विदर्भ दिनांक 30 नवंबर (प्रतिनिधि)
ढील काही दिवसांत ठाकरे सरकारमधील (Thackeray Government) चार मंत्र्यांची चौकशी होईल. यापैकी दोन शिवसेनेसोबत संबंधित आहेत, तर विदर्भातील काँग्रेसच्या कॅबिनेट मंत्र्याचा देखील यामध्ये समावेश आहे. तसेच एका राष्ट्रवादीच्या मंत्र्याची देखील चौकशी होईल, असा गौप्यस्फोट भाजप नेते किरीट सोमय्यांनी (kirit somaiya)केला आहे.
कथित त्रिपुरा हिंसाचारानंतर अमरावती शहरात हिंसाचार घडून आला होता. याच पार्श्वभूमीवर काही दिवसांपूर्वी पोलिस आयुक्तांनी फतवा जाहीर करत किरीट सोमय्या यांचा दौरा रद्द केला होता. आज मंगळवारी भाजप नेते किरीट सोमय्या हे दौऱ्यावर आहेत. यावेळी त्यांनी घेतलेल्या पत्रकार परिषदेत ठाकरे सरकारच्या चार मंत्र्यांचे घोटाळे उघड करणार असल्याचे खळबळजनक माहिती दिली आहे.
ठाकरे सरकारचे घोटाळे बाहेर काढण्याची जबाबदारी महाराष्ट्राच्या जनतेने मला दिली आहे. त्यांचे मंत्री, नेते, अधिकारी तुरुंगात किंवा जामीनावर सुटले आहेत. अर्जून खोतकर यांचा साखर कारखाना घोटाळा बाहेर आला आहे. त्यांनी एपीएमसी मार्केटचा घोटाळा केला आहे. शेतकऱ्यांच्या नावाने करोडो रुपये त्यांनी लुटले. त्याचा आम्ही उद्या खुलासा करणार आहोत, असं किरीट सोमय्यांनी म्हटलं आहे.
सोमय्या यांनी या ठाकरे सरकारमधील चारही मंत्र्यांबाबत सूचक इशारा दिला आहे. मात्र, त्यांनी ही चार ही नावे गुलदस्त्यात ठेवल्याने तर्कवितर्कांना उधाण आलं आहे. या चारही मंत्र्यांविरोधातील तक्रारी विविध तपास यंत्रणांना दिल्या आहेत.
या चार मंत्र्यांमध्ये दोन शिवसेनेचे असून एक मुख्यमंत्र्यांच्या मित्र परिवारातील महत्त्वाचा सदस्य आहे. तर, काँग्रेसच्या विदर्भातील कॅबिनेट मंत्र्याचाही यात नंबर आहे. त्याचीही फाईल आली आहे. तपास यंत्रणांकडे कागदपत्रे पाठवली आहे. तर, चौथे मंत्री हे राष्ट्रवादी काँग्रेसचे आहेत, असा गौप्यस्फोट त्यांनी केला आहे
