नागपुर दिनांक 17 नवंबर (शहर प्रतिनिधि)
दारू प्यायल्यानंतर शिवीगाळ व मारहाण केल्याने युवकाने दगडाने डोके ठेचून मित्राची हत्या केली. हत्येनंतर मारेकरी युवकाने रक्ताने माखलेल्या कपड्यासह नंदनवन पोलिस स्टेशनमध्ये आत्मसमर्पण केले. ही थरारक घटना बुधवारी दुपारी ३ वाजताच्या सुमारास नंदनवनमधील सेंट झेव्हियर शाळेमागील मैदानात घडली. (an angry friend ended the life of a friend after beaten up by friend drinking alcohol)
दिनेश विनायक राजापुरे (वय ४०, रा. दर्शन कॉलनी) असे मृतकाचे तर अतुल हेमराज शिवणकर (वय २३, रा. श्रीनगर) असे मारेकरी युवकाचे नाव आहे. दोघेही पेंटिंगची कामे करायचे. पोलिसांनी दिलेल्या माहितीनुसार, दिनेशला दारूचे व्यसन असल्याने त्याची पत्नी दोन अपत्यांसह त्याला सोडून माहेरी गेली. तो दर्शन कॉलनीत भाड्याने राहायचा. बुधवारी दुपारी दिनेश व अतुल या दोघांना कामाचे एक हजार रुपये मिळाले. त्या पैशांतून दोघांनी दारू खरेदी केली. दोघेही शाळेमागील मैदानात आले. दोघांनी दारू प्यायली.
दोघेही दारू प्यायल्यानंतर दिनेशने अतुलला शिवीगाळ करून मारहाण केली. त्यामुळे अतुल संतापला. अतुलने दगडाने दिनेशचे डोके ठेचून खून केला. त्यानंतर अतुल रक्ताने माखलेले हात घेऊन पोलिस स्टेशनमध्ये धडकला. मित्राची हत्या केल्याचे त्याने पोलिसांना सांगितले. पोलिसांचे पथक अतुलला घेऊन घटनास्थळी गेले. पंचनामा करून दिनेशचा मृतदेह हॉस्पिटलकडे रवाना केला. पोलिसांनी खुनाचा गुन्हा दाखल करून अतुलला अटक केली.
