श्रीमंत महेंद्र पेशवे हे बाजीराव पेशवे यांचे 9 वे वंशज होते. त्यांचं पुणे शहरातच वास्तव्य होतं. तसंच महाराष्ट्रातील राजघराण्यांना एकत्र आणत स्थापन करण्यात आलेल्या हिंदवी स्वराज्य महासंघाचे ते कार्याध्यक्ष होते. पुण्यात कोरोनाचा प्रादुर्भाव मोठ्या प्रमाणात वाढत असताना महेंद्र पेशवे यांनाही कोरोनाची लागण झाली आणि त्यातच त्यांचं निधन झालं आहे.
महेंद्र पेशवे यांना काही दिवसांपूर्वी कोरोनाची लागण झाली होती. त्यानंतर त्यांच्यावर उपचार सुरू होते. मात्र उपचारादरम्यान त्यांची प्रकृती खालावली आणि आज त्यांची प्राणज्योत मालवली आहे.
